Pagsusuri ng

Koridong Ibong

Adarna

I.                    Kaligirang Kasaysayan ng Koridong Ibong Adarna

Ang Ibong Adarna ay isang pasalaysay na tula na ang buong pamagat ay

Corrido at Buhay na Pinagdaanan nang Tatlong Principeng Magcacapatid na Anac

nang Haring Fernando at nang Reina Valeriana sa Cahariang Berbania. Walang tiyak

na petsa ang tula, at nananatiling lihim ang awtor nito, bagaman may ilang naniniwala

na ang nasabing tula ay isinulat ni Huseng Sisiw na palayaw ni Jose de la Cruz. Si

Huseng Sisiw, ayon kay Julian Cruz Balmaseda, ang nagturo umano kay Francisco

Balagtas kung paano sumulat ng tula.

II.                  Pagkakaiba ng awit at korido

Ang kaibahan ng awit at korido ay maaaring nasa sukat at anyo: 1. Mabilis

ang bigkas ng korido, may kabagalan naman ang awit 2. Ang korido ay may walong

pantig at binibigkas sa kumpas ng martsa "allegro", samantala ang awit ay may

labindalawang pantig at inaawit na mabagal sa saliw ng gitara o bandurya "allegro" 3.

Ang ikinaganda ng awit ay sa mga aral na ipinahihiwatig samantala sa korido ang

ikinawiwili ng mga mambabasa ay ang kuwento o kasaysayang napapaloob dito

Mga Halimbawa ng Korido: Ibong Adarna, Don Juan Tiñoso, Don Juan Teñoso,

Mariang Kalabasa, Ang Haring Patay, Mariang Alimango, Bernardo Carpio ni Jose de la

Cruz, Rodrigo de Villas ni Jose de la Cruz, Prinsipe Florennio ni Ananias Zorilla, Buhay

na Pinagdaanan ni Donya Maria sa Ahas

Mga Halimbawa ng Awit: Florante at Laura ni Francisco Balagtas, Buhay ni

Segismundo ni Eulogio Juan de Tandiona, Doce Pares na Kaharian ng Francia ni Jose

de la Cruz, Salita at Buhay ni Mariang Alimango, Prinsipe Igmidio at Prinsesa Clariana.

III.                Pagsusuri

A. Angkop ba ang pamagat?

Masasabing kong  angkop ito dahil una sa lahat, ito ang gamot sa sakit ng hari

ng Berbanya. Pangalawa, ito din ang pilit na pinagpunyagihan ng magkakapatid na

hanapin upang hulihin. Ito din ang naging suri upang mahayag ang kataksilan nina

Don Pedro at Don Diego, ito din ang nagpatunay na si Don Juan ang tunay na

nakabihag sa kanya. Samakatuwid, ang ibong Adarna ang naging susi upang

malaman ang tunay na karapat-dapat sa trono ng hari.

B. Tagpuan

Sa tahimik at masaganang Kaharian ng Berbanya.

C. Tauhan

Si Haring Fernanado na isang mabait na ama at makatarungang hari ng

Berbanya, si Donya Valeriana na asawa ni Haring Fernando na isang mabuti at

ulirang ina sa kanyang tatlong anak. Si Don Perdo na isang sakim at masamang

kapatid tulad ni Don Diego na isa ding taksil at sakim na kapatid kay Don Juan. Si

Don Juan naman ay mabuti, mapagmahal at maawaing anak, kapatid at kapwa sa

iba. Siya’y may busilak na puso. Si Haring Salermo na isang masama at mahilig

manubok na hari sa kanyang kapwa at mga nasasakupan, ang kanyang anak

namang si Donya Maria na isang maawain at makapangyarihang dalaga. Si Donya

Leonora na isang tapat at maawaing kasintahan kay Don Juan. Si Donya Juana na

isang maganda at maawaing babae. Ang ermitanyo na may iba’t-ibang katauhan na

naging matulungin kay Don Juan at higit sa lahat, ang Ibong Adarnang kaakit-akit

ang kaanyuan at tapat na saksi sa mga kataksilan ng magkapatid na Don Pedro at

Don Diego.

D. Buod

Noong unang panahon sa kaharian ng Berbanya, may isang haring

nagngangalang Haring Fernando na dinapuan ng isang misteryosong sakit na

pawang isang mahiwagang ibon lamang ang makakapagaling. Sa paghahanap ng

tatlong anak ng hari sa Ibong Adarna, ang dalawa sa kanila ay naging bato, sina

Don Pedro at Don Diego samantalang ang bunso namang si Don Juan ay

nagtagumpay sa paghuli sa ibong ito ngunit ang kanyang dalawang kapatid ay

pinagtaksilan siya sa kabila ng pagliligtas ni Don Juan sa kanila sa pagiging bato.

Ngunit nabunyag din ang katotohanan na si Don Juan ang tunay na nakabihag sa

naturang ibon. Ngunit dahil sa ginawang pagpapakawala ng dalawang taksil na

kapatid ni Don Juan sa Ibong Adarna, napilitang umalis si Don Juan at magtungo sa

Kabundukan ng Armenya at doon niya natagpuan ang magkapatid na sina Donya

Juana at Donya Leonora. Ngunit muling nagtaksil ang kanyang dalawang kapatid at

hinulog si Don Juan sa balon at pilit na pinakasalan ni Don Diego si Donya Juana

habang si Donya Leonora naman ay nanatiling naghihintay kay Don Juan. Sunod na

tumungo si Don Juan sa Reino De Los Cristal at dito niya natagpuan si Donya Maria

at ang ama nitong nagbigay ng maraming pagsubok. Sa huli, tumakas ang dalawa

at nagtungo si Don Juan sa Berbanya nang mag-isa. Nang maglaon, nakalimutan ni

Don Juan si Donya Maria na kanyang iniwan sa isang nayon. Sa mismong araw ng

kasal nina Don Juan at Donya Leonora, dumating si Donya Maria bilang Emperatris

at ipinaalaala ang kanilang wagas na pagmamahalang tila nalimot ni Don Juan.

Naalala ni Don Juan si Donya Maria at pinakasalan ito at namuhay silang masaya at

masagana sa kahariang kanilang nakamit.

E. Banghay

1. Simula:

Sa kaharian ng Berbanya, may isang haring nagngangalang Haring

Fernando na dinapuan ng isang misteryosong sakit na pawang isang mahiwagang

ibon lamang ang makalulunas. Bago nito, makailang beses ng pinagtaksilan nina

Don Pedro at Don Diego si Don Juan. Una, iginiit nilang sila ang nakahuli sa Ibong

Adarna. Pangalawa, nang pakawalan nila ang Ibong Adarna na naging dahilan ng

pag-alis ni Don Juan at panghuli, noong inihulig nila si Don Juan sa balon sa

pamamagitan ng pagputol ni Don Pedro sa lubid na nakatali kay Don Juan. Bago

nito, natagpuan ni Don Juan ang magkapatid na prinsesa na sina Donya Juana at

Donya Leonora. Ngunit pilit na pinakasalan ni Don Diego si Donya Juana habang

nananatiling naghihintay sa pagbabalik ni Don Juan si Donya Leonora.

2. Kasukdulan:

Nang maglaon, si Don Juan ay sunod na naglakbay sa Reino De Los

Cristales, sa tulong ng Ibong Adarna at ng ermitanyo. Dito niya nakilala si Donya

Maria at ang ama nitong si Haring Salermo. Nagbigay ang hari ng maraming

pagsubok kay Don Juan at sa huli ng malaman ni Donya Maria na ibig ipapatay ng

kanyang ama si Don Juan, napilitang silang tumakas.

3. Suliranin

Mga pagtataksil kay Don Juan ng mga kapatid niya at ang tangkang

pagpatay kay Don Juan ni Haring Salermo.

4. Tunggalian:

Tao vs. Tao

5. Wakas :

Nagpakasal sina Don Pedro at Don Diego kina Donya Juana at Donya

Leonora at kinoronahan si Don Pedro bilang hari ng Berbanya. Nagpakasal naman

sina Don Juan at Donya Maria at sila’y bumalik sa kaharian ng Reino delos Cristal at

doon kinoronahan si Don Juan bilang hari ng naturang kaharian.